اسلام آباد : آئندہ بجٹ میں سرکاری ملازمین کی تنخواہوں میں 20 فیصد اور پنشن میں 15 فیصد اضافے کی ابتدائی تجویز سامنے آگئی۔
تفصیلات کے مطابق آئندہ مالی بجٹ میں سرکاری ملازمین کی تنخواہوں میں 20 فیصد اضافے کی تیاریاں کی جارہی ہے، ذرائع نے بتایا ہے کہ آئندہ بجٹ میں پنشن میں 15 فیصد اضافے کی ابتدائی تجویز دی گئی ہے۔
ذرائع کا کہنا ہے کہ وزیر خزانہ اسحاق ڈار نے معاملہ وفاقی کابینہ کے فیصلہ تک موخر کر دیا ہے، تنخواہوں اور پنشن میں اضافے کے فنڈز 9 جون کو کابینہ اجلاس کے بعد مختص ہوں گے۔
ذرائع نے کہا ہے کہ پہلی بار ای او بی آئی پنشنرز کے لئے عبوری امداد کی سفارش بھی کی جا رہی ہے، ای اوبی آئی پنشنرزکیلئےعبوری امداد پر حتمی فیصلہ بھی کابینہ ہی کرے گی۔
ذرائع کے مطابق آئندہ بجٹ میں قرضوں،سود کی ادائیگی 7600 ارب روپے کے لگ بھگ ہونے کا امکان ہے، وفاق کے بجٹ کے 50 فیصد سے زیادہ رقم سود کی ادائیگی کے لئے مختص ہوسکتا ہے۔
