The news is by your side.

Advertisement

کراچی : سرکاری اسپتال کا ملازم راتوں رات کروڑ پتی بن گیا

کراچی : گریڈ 14 کا ملازم راتوں رات کروڑ پتی بن گیا، عدالت نے محمدکامران کے خلاف انکوائری شروع کرنے کا حکم دے دیا ہے۔

تفصیلات کے مطابق کورنگی کے سرکاری اسپتال کے ملازم محمد کامران کیخلاف انکوائری کی درخواست دائر کردی گئی ، سماعت میں درخواست گزار نے کہا محمد کامران 2گریڈ پر بھرتی ہوا اور جلدی 14گریڈتک جاپہنچا۔

ایڈوکیٹ عثمان فاروق نے کہا کہ ایک ملازم سندھ گورنمنٹ اسپتال کورنگی کا مالک بنا ہوا ہے ، محمد کامران کچھ ہی عرصے میں کروڑپتی بن گیا ہے۔

عثمان فاروق نے استدعا کی محمد کامران کے خلاف انکوائری کرنے کے احکامات دئیے جائیں،اسپتال کی انتظامیہ بھی محمد کامران کے خلاف کوئی کارروائی نہیں کرتی۔

عدالت نے محمد کامران کے خلاف انکوائری شروع کرنے کا حکم دیتے ہوئے کہا کہ اینٹی کرپشن انکوائری کرکے رپورٹ جمع کروائے۔

Comments

یہ بھی پڑھیں