اسلام آباد :وزیراعظم شہباز شریف کی ہدایت پر اسلام آباد انتظامیہ نے اسلام آباد کے مختلف سیکٹرز کو میٹرو بس سسٹم سے ملانے کے منصوبے کا آغاز کردیا۔
تفصیلات کے مطابق وزیراعظم شہبازشریف نے اسلام آباد میں سفری سہولیات کی بہتری کیلئے بڑا اقدام اٹھایا۔
اسلام آباد کے مختلف سیکٹرز کو میٹروبس سسٹم سے منسلک کرنے کے منصوبے کا اجرا کردیا گیا ، 13 روٹس اور 128 بسوں پر مشتمل فیڈر روٹس بس نیٹ ورک کا پہلا مرحلہ مکمل ہوگا۔
بس نیٹ ورک کا پہلا مرحلہ آئندہ سال کی پہلی سہ ماہی میں مکمل ہوگا ، ایف، جی، آئی سیکٹر اور ڈی 12 کو میٹرو نیٹ ورک سے بسوں کے ذریعے منسلک کیا جائے گا۔
منصوبے سے ایک لاکھ مسافروں کو آرام دہ اور بین الاقوامی معیار کی سفری سہولیات میسرآئیں گی۔
وزیراعظم شہبازشریف نے منصوبے کو ترجیحی بنیادوں پر مکمل کرنے کی ہدایت کردی ہے۔
یاد رہے اس سال جولائی کے شروع میں وزیراعظم محمد شہباز شریف نے اسلام آباد میں بلیو لائن اور گرین لائن میٹرو بس سروس کا افتتاح کیا تھا۔
