اسلام آباد : حکومت کی جانب سے 170 ارب کا منی بجٹ آج قومی اسمبلی میں پیش کیا جائے گا، اس اقدام سے اقدام کے ساتھ مہنگائی کا نیا طوفان آئے گا۔
تفصیلات کے مطابق حکومت کی جانب سے نیا فنانس بل آج قومی اسمبلی اور سینیٹ میں پیش ہوگا اور عوام پر مہنگائی کے نئےوارکی منظوری منتخب نمائندے دیں گے۔
ذرائع نے بتایا ہے کہ حکومت نے سیلز ٹیکس کی شرح 17 سے بڑھا کر 18 فیصد کرنے کافیصلہ کرلیا ہے، سیلز ٹیکس کی ایک فیصد شرح بڑھنے سے 50 ارب سے زائد کا اضافی بوجھ عوام پرآسکتا ہے۔
ذرائع کا کہنا ہے کہ پر تعیش اشیا پر ڈیوٹی کی شرح 25 فیصد تک پہنچانے کی حکومتی تیاری مکمل ہے ، لگژری آئٹمز پر ٹیکس لگا کر 60 سے 70 ارب روپے کی آمدن کا امکان ہے۔
ذرائع کے مطابق منی بجٹ2دن میں منظور کرانےکیلئےحکومتی سرگرمیاں عروج پر پہنچ گئیں،حکومت جمعرات کی شام تک آئی ایم ایف سے اسٹاف لیول معاہدہ کرنا چاہتی ہے۔
دونوں ایوانوں سے منظوری کے بعد جمعرات کو ہی بل دستخط کے لیے صدرمملکت کو بھیج دیا جائے گا۔
یاد رہے صدر نے منی بجٹ کے آرڈیننس کی منظوری سے انکار کیا تو حکومت معاملہ پارلیمنٹ میں لے جانے پر مجبور ہوئی۔
خیال رہے صدرمملکت نےآج قومی ا سمبلی کااجلاس ساڑھےتین بجےاورسینیٹ کا اجلاس ساڑھے چار بجے طلب کررکھاہے
