اسلام آباد انتظامیہ کی جانب سے پاکستان تحریک انصاف کو پریڈ گراؤنڈ میں جلسے کی اجازت دینے سے گریز کیا جا رہا ہے۔
مرکزی سیکرٹری جنرل تحریک انصاف اسد عمر کا اس حوالے سے کہنا ہے کہ امپورٹڈ حکومت عمران خان کی عوام میں مقبولیت سے خوفزدہ ہے، حکومت 2 جولائی کو اسلام آباد جلسے کی منظوری میں حیلے بہانے کر رہی ہے۔
اسد عمر نے کہا کہ یہ الیکشن سے بھاگ رہے ہیں اور جلسوں سے ڈر رہے ہیں، اس خوفزدہ امپورٹڈ ٹولے کا کیا بنے گا۔
خیال رہے کہ چیئرمین پی ٹی آئی عمران خان نے 2 جولائی کو اسلام آباد کے پریڈ گراؤنڈ میں بڑے عوامی جلسے کا اعلان کر رکھا ہے۔
دو روز قبل سماجی رابطے کی ویب سائٹ ٹوئٹر پر عمران خان نے کہا کہ 2 جولائی کو ہم امپورٹڈ حکومت کے خلاف احتجاج کریں گے اور میں پریڈ گراؤنڈ میں ہونے والے احتجاج کی قیادت کروں گا۔
سابق وزیراعظم نے مزید کہا تھا کہ ہوشربا مہنگائی نے عوام کی کمر توڑ دی ہے، رجیم چینج امریکی سازش کے نتیجے میں امپورٹڈ حکومت مسلط کی گئی، امپورٹڈ حکومت نے 1100 ارب کی کرپشن بچانے کے لیے انہوں نے خود کو این آراو 2 دیا۔
2جولائی کو ہم قوم کو کچلتی ہوئی مہنگائی،تبدیلئ حکومت کی امریکی سازش کےذریعےپاکستان پر مسلط امپورٹڈ سرکار اور اس سرکار کیجانب سےاپنی1100 ارب کی کرپشن بچانے کیلئےمہیا کئےگئےNRO-2 کیخلاف ملک بھر میں پرامن احتجاج کریں گے۔اسلام آبادکےاحتجاج کی قیادت میں پریڈ گراؤنڈ میں کروں گا۔
— Imran Khan (@ImranKhanPTI) June 27, 2022