اسلام آباد : وفاقی حکومت نے قانون دان علی ضیاباجوہ کو پرویز مشرف کیس میں پراسیکیوٹر مقررکر دیا، اسلام آباد ہائی کورٹ نے 5 دسمبر تک غداری کیس کا نیا پراسیکیوٹر تعینات کرنے کا حکم دیا تھا۔
تفصیلات کے مطابق وفاقی حکومت نے قانون دان علی ضیاء باجوہ کو سابق صدر پرویز مشرف کیخلاف آئین شکنی کیس میں پراسیکیوٹر مقرر کرتے ہوئے نوٹیفیکیشن بھی جاری کردیا ، جس میں کہا علی ضیاباجوہ بطوراسسٹنٹ اٹارنی جنرل پراسیکیوشن کی طرف سے پیش ہوں گے۔
یاد رہے اسلام آباد ہائی کورٹ نے وفاقی حکومت کو 5 دسمبر تک غداری کیس کا نیا پراسیکیوٹر تعینات کرنے کا حکم دیتے ہوئے غداری کیس کافیصلہ روکنے کی درخواستیں نمٹا دیں تھیں۔
مزید پڑھیں : وفاقی حکومت کو 5 دسمبر تک مشرف غداری کیس کا نیا پراسیکیوٹر تعینات کرنے کا حکم
اس سے قبل اسلام آباد ہائی کورٹ نے آئین شکنی کیس میں وزارت داخلہ کی درخواست منظور کرلی تھی اور خصوصی عدالت کو آئین شکنی کیس کا فیصلہ سنانے سے روک دیا تھا ، ہائی کورٹ نے حکم دیا تھا کہ خصوصی عدالت کچھ دیر کیلئے پرویز مشرف کامؤقف سن لے اور پھر فیصلہ دے۔
خیال پرویز مشرف آئین شکنی کیس خصوصی عدالت میں زیر سماعت ہے ، آئین شکنی کیس میں پرویزمشرف کو 5 دسمبرتک بیان ریکارڈ کرانے کاحکم دیتے ہوئے اور کہا ہے 5 دسمبرسےروزانہ کی بنیاد پر سماعت ہوگی، کوئی التوا نہیں دیا جائے گا۔
