اسلام آباد : پاکستان نے آئی ایم ایف کی ایک اور تجویز مسترد کردی اور کہا ٹیکس چھوٹ جاری رکھنے کی تجویز پیش کرے گا۔
تفصیلات کے مطابق حکومت نے بجٹ میں فاٹا کے لیے مراعات ختم کرنے کی آئی ایم ایف کی تجویز مسترد کردی۔
وفاق فاٹا کیلئے مزید ایک سال کیلئے ٹیکس چھوٹ جاری رکھنے کی تجویز پیش کرےگا۔
ایف بی آر نے کہا کہ فاٹا کی ڈویلپمنٹ کیلئےدرآمدی مشینری پر ٹیکس رعایت جاری رکھی جائے گی، معاشی حالات بہتر نہ ہونے پر کاروبار اور فیکٹریوں پر انکم ٹیکس، سیلز ٹیکس اور ایف ای ڈی پر رعایت دی جائے گی۔
فاٹا کیلئے ٹیکس رعایت دوہزار تیئس کے اختتام پر ختم ہو چکی تھی مگر حکومت نے جون 2024 تک بڑھا دی تھی۔
مزید پڑھیں: بجٹ 2025-2024 : ٹیکس چھوٹ ختم کرنے کی تجویز
فاٹا کی باؤنڈری پر چیک پوسٹ قائم کیے جانے کی تجویز ہے، چیک پوسٹوں کےقیام سے ٹیکس فری مشینری ملک کے باقی حصوں میں نہیں لائی جا سکے گی۔
یاد رہے وفاقی حکومت نے آئندہ مالی سال سابق فاٹا کیلئے جاری چھوٹ ختم کرنے کی تجویز دی تھی، جس سے وفاقی حکومت کو 100 ارب سالانہ ریونیو ملنے کا امکان ہے۔
حکومت مختلف شعبوں کو 1200 ارب روپے کی ٹیکس رعایتیں دے رہی ہے،آئی ایف ایم نے پاکستان سے اگلے بجٹ میں ٹیکس رعایتیں ختم کرنے کی ہدایت کی تھی۔
