اسلام آباد: حکومت نے 262 دواؤں کی قیمتیں بڑھانے کی سمری مسترد کر دی اور کہا وزارت صحت نے دوائیں مہنگی کرنے کا تقابلی جائزہ نہیں دیا۔
تفصیلات کے مطابق اقتصادی رابطہ کمیٹی کا اجلاس نگراں وفاقی وزیر خزانہ ڈاکٹر شمشاد اختر کی زیر صدارت ہوا ، جس میں کمیٹی نے ادویات کی قیمتیں بڑھانے کی سمری مسترد کر دی، دو سو باسٹھ دواؤں کی قیمتیں بڑھانے کی سمری مسترد کی گئی۔
ای سی سی اعلامیے میں کہا گیا ہے کہ وزارت صحت نے دوائیں مہنگی کرنے کا تقابلی جائزہ نہیں دیا۔
ای سی سی کا کہنا تھا کہ یوریا کھاد کی دو فیکٹریوں کو درآمدی آر ایل این جی فراہم کرنے کی منظوری دے دی، دو لاکھ ٹن یوریا کی سرکاری درآمد پر ٹی سی پی کوطریقہ کار پیش کرنے کی ہدایت کی گئی ہے۔
اعلامیے میں کہا ہے کہ پنجاب کیلئے قرضے کی حد پانچ سو چار ارب اور سندھ کے لیے دو سو چودہ ارب کردی گئی ہے۔
