The news is by your side.

Advertisement

عمران خان کا اعلان: حکومت کے پی ٹی آئی کے احتجاج اور دھرنے سے نمٹنے کے لیے انتظامات شروع

اسلام آباد : تحریک انصاف کی جانب سے احتجاج اور دھرنا دینے کے اعلان کے بعد وفاقی حکومت نےانتظامات شروع کردیئے۔

تفصیلات کے مطابق تحریک انصاف کی جانب سےاحتجاج اوردھرنا دینے کے اعلان کے معاملے پر وفاقی حکومت نے احتجاج اور دھرنے سے نمٹنے کیلئے انتظامات شروع کردیئے۔

ذرائع نے کہا کہ وزارت داخلہ نے احتجاج اور دھرنے میں امن و امان کیلئے فنڈز مانگ لئے، اس حوالے سے وزارت داخلہ نے فنڈز کیلئے دو الگ الگ سمریاں ای سی سی کوبھجوادیں ہیں۔

ذرائع نے بتایا کہ احتجاج اور دھرنے میں امن و امان برقرار رکھنے سمیت کیمروں کی خریداری کیلئے 18کروڑروپے طلب کئے گئے ہیں۔

ذرائع کے مطابق احتجاج اوردھرنے میں امن و امان برقراررکھنےکیلئے14کروڑروپے اور سرویلینس کیمروں کی خریداری کیلئے3کروڑ93لاکھ روپے مانگے گئے ہیں۔

ذرائع کا کہنا تھا کہ ایک سیاسی جماعت کے احتجاج اور دھرنے کے اعلان کے پیش نظر فنڈز مانگے گئے ہیں۔

گذشتہ روز چیئرمین تحریک انصاف عمران خان نے نیب قوانین کیخلاف سپریم کورٹ جانے کا اعلان کرتے ہوئے کہا تھا کہ امپورٹڈ حکومت نے نیب میں ترمیم ملک پر بمباری سے بھی بڑا جرم کیا ہے۔

Comments

یہ بھی پڑھیں