اسلام آباد : وفاقی حکومت نے چیئرمین نیپرا کی آسامی کا اشتہار جاری کردیا اور امیدواروں سے 15 روز میں درخواستیں طلب کرلیں۔
تفصیلات کے مطابق وفاقی حکومت نے چیئرمین نیپرا کی تعیناتی کاعمل شروع کردیا، کابینہ سے منظوری کے بعد چیئرمین نیپرا کی آسامی کا اشتہار جاری کردیا گیا۔
امیدواروں سے 15 روز میں درخواستیں طلب کی گئیں ہیں اور چیئرمین نیپرا کیلئے عمر کی حد 59 سال مقرر کی گئی ہے جبکہ چیئرمین نیپراکی تعیناتی 4سال کیلئے ہوگی۔
خیال رہے توصیف ایچ فاروقی کی بطور چیئرمین نیپرا مدت اگست میں ختم ہورہی ہے۔
