اسلام آباد : حکومت نے پی ٹی آئی کے چیئرمین عمران خان کے 9 حلقوں سے انتخاب لڑنے پر اعتراضات اٹھانے کی تیاری کرلی۔
تفصیلات کے مطابق چئیرمین پی ٹی آئی عمران خان کے 9 حلقوں سے انتخاب لڑنے کے معاملے پر حکومتی اتحادی نے اعتراضات اٹھانے کی تیاری کرلی۔
اے آروائی نیوز براہِ راست دیکھیں live.arynews.tv پر
عمران خان کے کاغذات نامزدگی پر حکومتی اتحاد کے امیدوار اعتراضات اٹھائیں گے، 17سے 20 اگست کے درمیان الیکشن کمیشن میں اعتراضات دائر کیے جائیں گے۔
ذرائع کا کہنا ہے کہ توشہ خانہ، اثاثہ چھپانے اور صادق اور امین نہیں رہنے کے اعتراضات دائر ہوں گے۔
ذرائع کے مطابق الیکشن کمیشن کے پی ٹی آئی ممنوعہ فنڈنگ کیس پرفیصلے کوبھی اعتراضات کاحصہ بنایا جائے گا، 62 ون ایف کے تحت بھی اعتراضات داخل کرائیں جائیں گے۔
ذرائع نے بتایا کہ ن لیگ اوردیگر امیدوار اپنے متعلقہ حلقوں سے عمران خان پر اعتراضات داخل کریں گے، اس حوالے سے مسلم لیگ ن اور حکومتی اتحادیوں کی کے قانون مشیروں نے کام مکمل کرلیا ہے۔
