اسلام آباد: وزیراعظم عمران خان نے زیر زمین پانی کی سطح کو بہتر بنانے پر پنجاب حکومت کا کاوشوں کی سراہا ہے۔
تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں وزیراعظم نے کہا کہ تحفظِ آب کی ہماری پالیسیز ثمربار ہورہی ہیں۔
وزیراعلیٰ پنجاب عثمان بزدار کی قیادت میں پنجاب حکومت نےمؤثر واٹر ریسائیکلنگ پالیسیز، نئےایکویفرچارجز، بارش کے پانی کے زیرِ زمین ذخائر، ٹائیمڈ ویل پمپنگ اور دیگر ٹارگیٹڈ ایکشنز سے1980کے بعد پہلی مرتبہ لاہور کےزیرِ زمین پانی کی سطح کومزید گرنے سےروک لیا ہے۔
وزیراعظم نے اپنے ٹوئٹ میں کہا کہ پنجاب حکومت نے پانی ذخیرہ کرنے کے لئے اہداف پر کام کیا اور بہترین پالیسی اپنائی۔
Our water conservation policies showing results – @UsmanAKBuzdar-led Punjab govt has stopped fall in Lahore's Groundwater for first time since 1980 thru effective water recycling policies, new aquifer charges, underground rain storage, timed well pumping & other targeted actions. pic.twitter.com/mPwzodabqU
— Imran Khan (@ImranKhanPTI) June 20, 2021
واضح رہے کہ گذشتہ سال پنجاب حکومت نے زیر زمین پانی جمع کرکے اسے پارکوں میں پودوں اور گھاس کے لیےاستعمال کرنے کی حکمت عملی بنائی، صرف لاہور میں 14لاکھ گیلن پانی جمع کرنے کی صلاحیت رکھنے والے زیر زمین ٹینک میں پانی جمع کرنا شروع کیا۔
یہ منصوبہ پاکستان میں اپنی نوعیت کا پہلا منصوبہ ہے، جسے پارکس اینڈ ہارٹیکلچر اتھارٹی(پی ایچ اے) اور واسا نے مل کر بنایا ہے۔
