کراچی: ایمپریس مارکیٹ میں تجاوزات کے خلاف آپریشن روک دیا گیا -
The news is by your side.

Advertisement

کراچی: ایمپریس مارکیٹ میں تجاوزات کے خلاف آپریشن روک دیا گیا

کراچی: شہرِ قائد کے مصروف ترین علاقے ایمپریس مارکیٹ میں دکان داروں کے احتجاج کے بعد نا جائز تجاوزات کے خلاف آپریشن روک دیا گیا۔

تفصیلات کے مطابق کراچی میں تجاوزات کے خاتمے کے خلاف جاری گرینڈ آپریشن صدر میں دکان داروں کے احتجاج کے بعد روک دیا گیا ہے۔

تجاوزات کے خلاف آپریشن کل صبح 10 بجے تک روکا ہے

بشیر صدیقی سینئر ڈائریکٹر اینٹی انکروچمنٹ

شہرِ قائد میں نا جائز تجاوزات کے خلاف آپریشن کا آج تیسرا دن تھا، شام پانچ بجے کے بعد تجاوزات کے خلاف تابڑ توڑ کارروائی کی گئی، اس دوران ایمپریس مارکیٹ صدر میں دکان داروں نے بھی خود تجاوزات  توڑیں۔

آپریشن کے دوران عبد اللہ ہارون روڈ، ریگل چوک، غضنفر علی روڈ اور بوہری بازار میں غیر قانونی تعمیرات گرا دی گئیں، پولیس اور رینجرز کی نفری سمیت کے ایم سی انسدادِ تجاوزات سیل اور دیگر محکموں کا عملہ بھاری مشینری سمیت موجود تھا۔

ایمپریس مارکیٹ میں تجاوزات کے خلاف آپریشن دکان داروں کی جانب سے مزاحمت پر عارضی طور پر روکا گیا ہے۔ سینئر ڈائریکٹر  اینٹی انکروچمنٹ بشیر صدیقی کا کہنا ہے کہ تجاوزات کے خلاف آپریشن کل صبح 10 بجے تک روکا ہے۔


یہ بھی پڑھیں:  تجاوزات کے خلاف آپریشن: کراچی کے متعدد علاقوں میں بد ترین ٹریفک جام، پتھارے دوبارہ لگ گئے


بشیر صدیقی کا کہنا تھا کہ آج ہنگامی آرائی اور احتجاج کے پیشِ نظر آپریشن روکا گیا، دکان داروں کو ایک دن کی مزید مہلت دے رہے ہیں، کل صبح ہیوی مشینری کے ذریعے دوبارہ آپریشن شروع ہوگا۔

دوسری طرف پولیس آپریشن کے باعث پیدا ہونے والی رکاوٹیں ہٹا کر ایمپریس مارکیٹ میں ٹریفک بحال کرانے میں مصروف رہی۔

Comments

comments

یہ بھی پڑھیں