کراچی: جنوبی افریقی ٹیسٹ ٹیم کے کپتان کوئنٹن ڈی کوک پاکستان انٹرنیشنل ایئر لائن (پی آئی اے) کی شاندار سروس سے خوش ہوگئے۔
تفصیلات کے مطابق جنوبی افریقی ٹیسٹ ٹیم کے کپتان کوئنٹن ڈی کوک نے قومی ایئرلائن کے سی ای او ایئرمارشل ریٹائرڈ ارشد ملک کا شکریہ ادا کرتے ہوئے انہیں اپنی ٹیسٹ شرٹ بطور تحفہ پیش کی۔
پی آئی اے نے تصدیق شدہ ٹویٹر اکاؤنٹ پر پروٹیز کپتان کی ٹی شرٹ شیئر کی اور لکھا کہ ’یہ شرٹ ایئرلائن کی یادداشت کا حصہ بن جائے گی۔
پی آئی اے نے لکھا کہ جنوبی افریقی ٹیم کے دورہ پاکستان کے لیے پی آئی اے کا انتخاب کرنے پر شکر گزار ہیں۔
South African Captain Quinton De Kock sent an autographed shirt to thank our CEO, Air Marshal Arshad Malik for his hospitality and service with PIA . The shirt will become part of our memorabilia.
We are humbled that the Proteas chose PIA for their tour of Pakstan.#PIA pic.twitter.com/FgPxtGbfdA— PIA (@Official_PIA) February 9, 2021
واضح رہے کہ کوئن ٹن ڈی کوک نے 2 میچوں کی ٹیسٹ سیریز کے دوران مہمان ٹیم کی کپتانی کی تھی، سیریز کے اختتام پر کوئن ٹن ڈی کوک پاکستان سے روانہ ہوگئے ہیں۔
پاکستان کرکٹ بورڈ (پی سی بی) نے ٹیسٹ اور ٹی ٹونٹی سیریز کے لیے پاکستان آنے والی جنوبی افریقی ٹیم کیلئے چارٹرڈ پروازوں کا بندوبست کیا تاکہ کھلاڑیوں اور عہدیداروں کو عالمی وبا سے تحفظ فراہم کیا جاسکے۔
یاد رہے کہ پاکستان اور جنوبی افریقہ کے درمیان تین میچز پر مشتمل ٹی ٹوینٹی کل سے لاہور میں کھیلی جائے گی۔
