لاہور: وزیر پارلیمانی امور راجہ بشارت نے پنجاب بھر کے کنٹریکٹ اساتذہ کو ریگولر کرنے کی سفارش کی ہے۔
تفصیلات کے مطابق وزیر پارلیمانی امور راجہ بشارت کی زیر صدارت خصوصی وزارتی کمیٹی کا اجلاس ہوا، اجلاس میں پنجاب بھر کے 14 ہزار 55 کنٹریکٹ اساتذہ کو ریگولر کرنے کی سفارش کی گئی۔
وزیر پارلیمانی امور راجہ بشارت نے اس حوالے سے بتایا کہ ریگولر ہونے والوں میں سیکنڈری اسکول ایجوکیٹرز اور اسسٹنٹ ایجوکیشن آفیسرز شامل ہیں۔
انکا کہنا تھا کہ ریگولر ٹیچرز کو پبلک سروس کمیشن میں امتحان دینے کی ضرورت نہیں ہوگی، منظوری کیلئے وزیراعلیٰ اور کابینہ کو سفارش بھجوایا جائے گا۔
