لاہور: پاکستان کرکٹ بورڈ نے ڈومیسٹک کرکٹ میں کھلاڑیوں کی میچ فیس اور معاوضوں میں اضافہ کر دیا۔
تفصیلات کے مطابق پاکستان کرکٹ بورڈ کی گورننگ بورڈ اجلاس چیئرمین احسان مانی کی زیر صدارت ہوا، چیئرمین پی سی بی احسان مانی نےویڈیولنک کے ذریعے اجلاس کی صدارت کی جس میں آئندہ مالی سال کیلئےپی سی بی کےبجٹ کی منظوری دی گئی۔
پی سی بی نےکفایت شعاری مہم کےتحت بجٹ میں10فیصدکمی کر دی جب کہ ڈومیسٹک کرکٹ میں کھلاڑیوں کی میچ فیس اور معاوضوں میں اضافہ کر دیاگیا، ڈومیسٹک کرکٹ کیلئےکھلاڑیوں کو5کیٹیگریزمیں معاہدے دئیےجائیں گے۔
اجلاس میں کلب کرکٹ کی بحالی کےلئے نئے ماڈل کلب آئین کی منظوری دی گئی جب کہ نئےکرکٹ اسٹرکچر کی منظوری بھی دی گئی۔
چیئرمین پی سی بی اور چیف ایگزیکٹیو نےاجلاس میں سالانہ رپورٹ پیش کی، پی ایس ایل فائیو پر ہونےوالی پیش رفت پر بورڈ اراکین کوبریفنگ دی گئی۔
