لاہور: پنجاب حکومت نے لاک ڈاؤن کے باعث معاشی مشکلات کے شکار وکلا کو ریلیف فراہم کردیا۔
تفصیلات کے مطابق وزیراعلیٰ پنجاب عثمان بزدار کی جانب سے مالی مشکلات کے شکار وکلا کے لیے 10کروڑ کی امداد دی گئی۔ عثمان بزدار نے لاہور ہائی کورٹ بار کے عہدیداروں کو وزیراعلیٰ ہاؤس میں چیک دیا۔
اس موقع پر عثمان بزدار کا کہنا تھا کہ بار ایسوسی ایشن کے ذریعے وکلا کو مالی امداد دی جائے گی، وکلا برادری کے مسائل کا بخوبی ادراک ہے، حکومت ممکنہ وسائل فراہم کرے گی، وکلا عوامی شعور و آگاہی کی بیداری کے لیے بھر پور کردار ادا کریں، صوبے بھر کے وکلا کے لیے دیگر سہولتیں بھی فراہم کرنے کا عزم رکھتے ہیں۔
پاکستان میں کرونا کے مصدقہ کیسز کی تعداد 14079 ہو گئی، 301 جاں بحق
انہوں نے اعلان کیا کہ دور سے آنے والے وکلا کے لیے لاہور میں اسٹیٹ آف دی آرٹ قیام گاہ بنائی جائے گی، وکلا ٹاور کے لیے موزوں جگہ کا انتخاب کرکے جلد کارروائی شروع کی جائے، کڑے وقت میں وکلا برادری کی مدد کا جذبہ خوش آئند ہے، صوبائی حکومت ہرممکن اقدامات کرے گی۔
خیال رہے کہ ملک بھر میں کروناوائرس کے باعث تمام شعبے سے تعلق رکھنے والے ملازمین پریشان ہیں۔
