ریاض : سعودی عرب نےغیر ملکی ملازمین کے اقامے کی مدت معیاد سے متعلق اہم ہدایات جاری کردیں۔
عرب میڈیا کی رپورٹ کے مطابق سعودی عرب کی مجلس شوریٰ نے غیرملکی شہریوں کے اقامے کی انتہائی حد چھ برس کردی۔
رپورٹ میں کہا گیا ہے کہ غیرملکی شہریوں کو اس سے زیادہ مملکت سعودی عرب میں قیام کی اجازت نہیں دی جائے گی، تاحال اقامہ قوانین میں اس حوالے سے کوئی ترمیم نہیں ہوئی ہے۔
سعودی عہدیدار کا کہنا ہے کہ فی الحال ایسا کوئی قانون پاس نہیں ہوا ہے، ابھی صرف تجاویز زیر غور ہیں۔
