کوئٹہ: بلوچستان کی عوام کے لئے بڑی خوشخبری ہے کہ سول ایوی ایشن اتھارٹی نے کوئٹہ ایئرپورٹ کے مرکزی رن وے کی اب گریڈیشن کا منصوبہ تیار کر لیا ہے۔
مرکزی رن وے کی اپ گریڈیشن عالمی میعار کے مطا بق ہو گی، رن وے کی تعمیر سے ہیوی، لانگ رینج کے بوئنگ 777 اور جمبو طیارے لینڈنگ کر سکیں گے۔
ذرائع کا کہنا ہے کہ کوئٹہ ایئرپورٹ کے ٹیکسی وے اور ایپرن ایریا کی توسیع کی جائے گی، رن وے پر جہاز کی لینڈنگ میں رہنمائی کیلئے جدید سسٹم بھی نصب کیئے جائیں گے۔
کوئٹہ ایئرپورٹ کے مرکزی رن وے کی توسیع کا منصوبہ دوسال میں پا نچ ارب روپے سے زائد کی لاگت سے مکمل کیا جائے گا۔
منصوبہ مکمل ہو نے سے حج آپریشن میں پی آئی اے سمیت دیگر ائیر لائن کو سہولت میسر ہو گی، کوئٹہ ایئرپورٹ کے رن وے کی توسیع منصوبے کا سنگ بنیاد بدھ کو رکھا جائے گا، وفاقی وزیر برائے ہوابازی غلام سرور خان اور وزیر اعلی بلوچستان جام کمال سنگ بنیاد رکھیں گے۔
