کراچی: شہر قائد میں جمشید کوارٹرز تھانے کی پولیس نے کارروائی کرتے ہوئے شادی سے قبل دلہا کو حراست میں لے لیا، جس کے بعد باراتی تھانے پہنچ گئے۔
اے آر وائی نیوز کے مطابق پولیس ذرائع کا کہنا ہے کہ اسامہ نامی نوجوان کے خلاف مقدمہ درج ہے، ملزم پر اس کی بھابھی نے 2 روز قبل تشدد کرنے کا مقدمہ درج کرایا تھا۔
دلہا کی گرفتاری کے بعد باراتی جمشید کوارٹرز تھانے کے باہر دلہے کی شیروانی لیکر پہنچ گئے، اس کے علاوہ علاقہ مکینوں کی بڑی تعداد بھی تھانے کے باہر موجود ہے۔
گرفتار شخص اسامہ کے رشتہ دار کا میڈیا سے بات کرتے ہوئے کہنا تھا کہ صبح 6 بجے اسامہ کو پولیس نے حراست میں لیا، اسامہ نے اپنے چچا اور چچی کے خلاف درخواست دائر کر رکھی تھی۔
کراچی: جیل چورنگی پل پر تیز رفتار وین الٹ گئی، ایک شخص جاں بحق
دلہا کے رشتہ دار نے بتایا کہ اسامہ کی چچی نے پولیس کے سامنے خود کو بھابھی ظاہر کیا، اسامہ کی آج شادی تھی، تمام انتظامات مکمل تھے پولیس نے گرفتار کرلیا۔
