نئی دہلی: بھارتی ریاست تامل ناڈو میں دلہا کے دوستوں نے انہیں شادی کے تحفے میں 5 لیٹر پیٹرول کا کین دے دیا۔
شادی کے موقع پر دلہا دلہن کو دوست احباب کی جانب سے مختلف تحفے تحائف دئیے جاتے ہیں لیکن بھارتی ریاست تامل ناڈو میں دلہا کے دوستوں نے انہیں شادی کے تحفے میں 5 لیٹر پیٹرول کا کین دے کر سب کو حیران کردیا۔
دلہا کی جانب سے جب دوستوں کو اسٹیج پر تصاویر بنوانے کے لیے بلوایا گیا تو ان کے دوستوں نے اپنے تحفے (پیٹرول کین) کے ساتھ تصویر بنوائی، اس انوکھے تحفے پر دلہا دلہن بھی مسکراتے ہوئے نظر آئے، دلہا دلہن کو مسکراتا دیکھ کر شادی میں شریک لوگ بھی دلہا کے دوستوں کی اس حرکت پر بے ساختہ ہنس دئیے۔
واضح رہے کہ بھارتی ریاست تامل ناڈو میں دیگر ریاستوں کے مقابلے میں پیٹرول کی قیمتیں زیادہ ہیں جہاں 85.15 لیٹر پیٹرول فروخت ہورہا ہے۔
دلہے کے دوست کا بھی یہی کہنا ہے کہ پیٹرول کی بڑھتی ہوئی قیمتوں کے باعث پیٹرول کو تحفے کے طور پر دینے کا فیصلہ کیا۔
سوشل میڈیا پر پیٹرول گفٹ پر تبصرے سامنے آئے کسی نے کہا کہ دیکھیں تو سہی پیٹرول کا تحفہ ملنے پر دلہا دلہن کتنے خوش نطر آرہے ہیں تو کوئی کہہ رہا ہے کہ شادی کے تحفے میں پیٹرول دینا سب سے مہنگا تحفہ ہے۔
Petrol makes a good wedding gift these days. Look at how happy the groom and bride are. 😂 #PetrolDieselPriceHike pic.twitter.com/a7DxK91IWZ
— Prashanth Venkataramana (@prashanthramana) September 17, 2018
Oh Godse…! Petrol as marriage gift. So costly pic.twitter.com/bbKzk5z7Oa
— Das Capital (@niravuparambil) September 16, 2018