بھارت میں شادی میں پہلی بیوی کی آمد پر دوسری شادی رچانے والا دلہا فرار ہوگیا۔
بھارت کے شہر حیدرآباد میں شادی کی تقریب میں اس وقت ہنگامہ کھڑا ہوگیا جب دلہے نے اپنی پہلی بیوی کے اچانک پنڈال میں پہنچنے پر پنڈال سے بھاگنے کا فیصلہ کیا۔
دلہے کی شناخت سید نذیرعرف خلیل کے نام سے ہوئی ہے جو دوسری شادی کر رہا تھا۔
شادی کے استقبالیہ کے دوران اس نے اپنی پہلی بیوی کو کچھ پولیس اہلکاروں کے ساتھ پنڈال میں داخل ہوتے دیکھا تو وہ گھبرا گیا اور پچھلے دروازے سے پنڈال سے بھاگ گیا۔
اس شخص نے اپنی پہلی بیوی ڈاکٹر ثنا ثمرین کو بتائے بغیر دوسری شادی کر رہا تھا جس سے وہ ناراض تھی۔
ڈاکٹر ثمرین کے بھائی کے مطابق دلہے نے 15 لاکھ روپے کا مطالبہ کیا تھا جو ہم ادا نہیں کرسکے اس کے بعد اس نے میری بہن سے دوری اختیار کرلی تھی۔
اہلیہ ڈاکٹر ثمرین نے کہا کہ میں نے اپنی ساری کمائی شوہر کو دے دی تھی لیکن پھر بھی اس نے دوسری شادی کا فیصلہ کیا۔
