اتر پردیش: بھارت کے شہر لکھنؤ میں لڑکے کو جہیز کا مطالبہ کرنے پر لینے کے دینے پڑ گئے، سسرالیوں نے دلہا کو گنجا کر کے واپس بھیج دیا۔
بھارتی میڈیا کے مطابق ریاست اترپردیش کے شہر لکھنؤ سے تعلق رکھنے والے لڑکے نے شادی کرنے کے لیے لڑکی والوں سے جہیز کے ساتھ موٹر سائیکل اور اپنے لیے سونے کی چین دینے کا مطالبہ کیا۔
لڑکے نے اُس وقت مطالبہ کیا جب شادی میں صرف پانچ روز باقی تھے۔
Lucknow: Groom’s head tonsured allegedly because he refused to marry the bride, demanding motorcycle&gold chain y’day;bride’s grandmother says, "they made these demands 5 days before wedding. He refused to marry after we said we can’t fulfil them.Don’t know who tonsured his head” pic.twitter.com/VVAkUtnTi7
— ANI UP (@ANINewsUP) October 22, 2018
لڑکی والوں نے دلہا کی شرائط ماننے سے انکار کیا تو اُس نے شادی سے صاف منع کیا جس کے بعد سسرالی طیش میں آگئے اور انہوں نے لڑکے کو کمرے میں بند کر کے آدھا گنجا کردیا۔
مزید پڑھیں: گنجا دلہا نامنظور، دلہن کا عین وقت پر انکار
واقعے کی اطلاع ملتے ہی ذرائع ابلاغ کے نمائندے جائے مقام پر پہنچے۔ میڈیا سے گفتگو کرتے ہوئے لڑکے کا کہنا تھا کہ ’لڑکی والوں نے جہیز میں پیسے، سونے کی چین اور موٹرسائیکل دینے کا وعدہ کیا تھا مگر اب وہ نہ صرف اپنے بات سے مُکر رہے ہیں بلکہ انہوں نے ہمارے ساتھ برا سلوک بھی کیا‘۔
لڑکی کی والدہ نے دعویٰ کیا کہ ’جہیز میں 30 ہزار روپے مالیت کی سونے کی چین اور موٹرسائیکل کی شرط شادی سے پانچ روز پہلے سامنے آئی اور جب ہم نے انکار کیا تو انہوں نے رشتے سے ہی انکار کردیا‘۔
واقعے کے بعد صورتحال کشیدہ ہوئی تو علاقہ مکینوں نے پولیس کو طلب کیا جس کے بعد دونوں فریقین کو بیٹھا کر معاملہ حل کرنے کی کوشش بھی کی گئی۔لڑکے اور اُس کے گھر والوں نے پولیس اسٹیشن جاکر مقدمہ درج کرنے کی درخواست بھی دی۔
یہ بھی پڑھیں: پیار ہم سے شادی کسی اور سے، محبوبہ عاشق کو اغوا کر کے لےگئی
مذکورہ واقعے کی ویڈیو اور تصاویر سوشل میڈیا پر وائرل ہوئیں تو صارفین نے لڑکی کے گھر والوں کی ہمت کو سراہتے ہوئے جہیز کی لالچ کرنے والا اسی سلوک کا مستحق تھا۔