گلوبل ٹائمز اپنی رپورٹ میں بتایا ہے کہ پاکستانی سرزمین پربھارت سےکی جانیوالی دہشت گردی کےشواہد موجود ہیں، وہ خفیہ طورپر پاکستان میں دہشت گرد قوتوں کی مالی معاونت کر رہا ہے۔
تفصیلات کے مطابق بلوچستان میں بھارتی دہشت گردی کے ثبوت منظر عام پرآگئے، گلوبل ٹائمز اپنی رپورٹ میں بتایا ہے کہ پاکستانی سرزمین پربھارت سےکی جانیوالی دہشت گردی کےشواہد موجود ہیں، بھارت خفیہ طورپر پاکستان میں دہشت گردقوتوں کی مالی معاونت کر رہا ہے۔
گلوبل ٹائمز کا کہنا تھا کہ بھارت بلوچستان میں مخصوص دہشت گردوں کومالی مدد،اسلحہ فراہم کررہاہے، پاکستان میں بھارتی دہشت گردی کی ایک طویل تاریخ موجود ہے
رپورٹ میں کہا گیا کہ بھارت علاقائی استحکام کونقصان پہنچانے کیلئے لوگوں کوبغاوت پراکسارہاہے۔
گلوبل ٹائمز کا مزید کہنا تھا کہ بھارت نےعالمی سطح پر پاکستان کےتشخص کوخراب کرنے کی مذموم کوششیں کیں، بھارت کامقصدسرمایہ کاری روکنااورپاکستان کوفیٹف کی بلیک لسٹ میں شامل کرناہے۔
سرفرازبنگلزئی نے اعتراف کیا تھا بھارت بلوچستان میں دہشت گردکارروائیوں کی حمایت کررہا ہے جبکہ مارچ 2016 میں بھی بلوچستان سےبھارتی جاسوس کلبھوشن رنگے ہاتھوں پکڑا گیاتھا۔
دی ہندو کا بھی کہنا ہے کہ بی ایل اے کمانڈر ماضی میں بھارت کےاسپتالوں میں جعلی شناخت پرعلاج کی کوشش کرتارہا جبکہ ڈپٹی ڈائریکٹر یی ہیلن نے کہا کہ بھارت دہشت گردی کےحوالے سے مسلسل دہرا معیاراپناتاآیا ہے۔
