The news is by your side.

Advertisement

گارڈ نے اپنی زندگی خطرے میں ڈال کر ’کتے‘ کو بچالیا

جانوروں کو مشکل میں دیکھ کر انہیں بچانے کی ویڈیو اکثر سوشل میڈیا پر وائرل ہوتی رہتی ہیں جسے صارفین کی جانب سے بھی خوب سراہا جاتا ہے۔

بھارتی ریاست تلنگانہ میں پولیس کے ساتھ ایک ہوم گارڈ نے سیلابی ندی کے کنارے جھاڑیوں میں پھنسے ایک کتے کو بچالیا جس کی ویڈیو سوشل میڈیا پر وائرل ہوگئی۔

مذکورہ ویڈیو کو بھارتی آئی پی ایس افسر نے شیئر کرتے ہوئے بتایا کہ یہ واقعہ ناگر کرنول ضلع میں پیش آیا۔

انہوں نے بتایا کہ کتے کو جھاڑیوں میں پھنسا دیکھ کر ایک ہوم گارڈ مجیب الرحمان نے فوری طور پر کرین کو بلایا اور اپنی جان کی پرواہ کیے بغیر کتے کو بچانے کے لیے لہروں میں اتر گیا۔

ویڈیو میں دیکھا جاسکتا ہے کہ تلنگانہ پولیس کے ساتھ ایک ہوم گارڈ سیلابی ندی کے کنارے جھاڑیوں میں پھنسے کتے کو بچا رہا ہے۔

گارڈ نے ایک ہاتھ سے کرین کو پکڑ رکھا ہے اور دوسرے ہاتھ سے جھاڑیوں میں پھنسے کتے کو بچانے کی کوشش کررہا ہے بعدازاں کتے کو بچانے کے بعد گاؤں میں چھوڑ دیا گیا۔

ویڈیو سوشل میڈیا پر تیزی سے وائرل ہورہی ہے، صارفین نے جانور کو بچانے کے لیے اپنی جان خطرے میں ڈالنے والے گارڈ کی تعریف کی اور اس کے اقدام کو سراہا۔

Comments

یہ بھی پڑھیں