گوئٹے مالا سٹی :گوئٹے مالاکے فلاحی ادارے میں آگ لگنے سےہلاک ہونے والی 36 لڑکیوں کی آخری رسومات اداکردی گئی۔
تفصیلات کےمطابق دوروز قبل گوئٹے مالاسٹی سےتقریباََ 25کلومیٹر دورشیلٹر ہوم میں آگ لگنے کے باعث ہلاک ہونے والی 36لڑکیوں کی آخری رسومات اداکردی گئی۔
اس موقع پر رقت آمیز مناظر دیکھنے میں آئے،فلاحی ادارے میں ہلاک والی لڑکیوں کےلواحقین نے شیلٹرہوم کی انتظامیہ پرالزام عائدکیاکہ وہ ان کی بچیوں پر تشدد اور برے کام کے لیےمجبورکرتے تھے۔
انہوں نے شیلٹر ہوم آتشزدگی میں ملوث افراد کے خلاف سخت کارروائی کا مطالبہ کرتے ہوئےکہاکہ حکومت ان کو انصاف دلائے۔
گوئٹے مالا کے صدر نے واقعے کو انتہائی افسوسناک قرار دیتے ہوئے فی الفور تحقیقات کا حکم دے کر رپورٹ طلب کرلی ہے۔
مزید پڑھیں:گوئٹے مالا کےشیلٹرہوم میں آتشزدگی‘36لڑکیاں ہلاک
یاد رہےکہ چار روزقبل اس فلاحی ادارے سے 60بچے بھاگ گئے تھے جس کےبعد پولیس کو طلب کیاگیاتھا۔
گوئٹے مالا کے اس شیلٹر ہوم کے حوالے سےبعض افراد نے الزام عائدکرتے ہوئے کہاتھاکہ یہاں بچوں کےساتھ انتہائی برا سلوک برتا جاتا ہے۔
واضح رہےکہ مقامی اطلاعات کے مطابق اس ادارے میں 400 لوگوں کی گنجائش تھی لیکن یہاں اس وقت اس سے کہیں زیادہ تعداد میں بچے رہ رہے تھے۔
