The news is by your side.

Advertisement

شہرہ آفاق ڈرامے ’گیسٹ ہاؤس‘ کے اداکار طارق ملک انتقال کرگئے

راولپنڈی: پاکستان ٹیلی ویژن (پی ٹی وی) کے یادگار ڈرامے ’گیسٹ ہاؤس‘ کے اداکار طارق ملک راولپنڈی میں انتقال کرگئے۔

تفصیلات کے مطابق نوے کی دہائی میں پی ٹی وی سے نشر کیے جانے والے یادگار ڈرامے ’گیسٹ ہاؤس‘ میں ویٹر مراد کا کردار ادا کرنے والے اداکار طارق ملک دل کا دورہ پڑنے سے انتقال کرگئے۔

اداکار افضل خان نے انسٹاگرام پوسٹ میں لکھا کہ ’میرے گیسٹ ہاؤس کے ساتھی فنکار طارق ملک انتقال کرگئے۔‘

راولپنڈی سے تعلق رکھنے والے طارق ملک ریڈیو، اسٹیج اور ٹیلی ویژن میں کام کرتے رہے اور انہیں شہرت 1991 میں گیسٹ ہاؤس کے کردار مراد سے ملی۔

اس کے علاوہ انہیں ریڈیو پاکستان کے پروگرام جمہورنی آواز میں باواجی کی صداکاری کے لیے بھی جانا جاتا ہے۔

یاد رہے کہ پی ٹی وی کے ڈرامے گیسٹ ہاؤس نے اپنے دور میں مقبولیت کے ریکارڈ قائم کیے تھے جس میں مسافروں کو درپیش مسائل کو پیش کیا جاتا تھا۔

ڈرامے میں مراد کا ایک کردار ’ٹپ ٹپ کرتا میں کمرے میں آتا ہوں‘ بھی کافی مقبول ہوا تھا۔

اس ڈرامے کی ہدایت کاری کے فرائض رؤف خالد نے انجام دئیے تھے، انہوں‌ نے لاگ، انگار وادی جیسے مقبول ترین ڈراموں‌ میں‌ بھی ہدایت کاری کی۔

Comments

یہ بھی پڑھیں