بھارتی ریاست گجرات میں طوفانی بارشوں کے باعث دریاؤں میں پانی کی سطح میں خطرناک حد تک اضافہ ہوگیا ہے، جس کے سبب دو روز کے دوران 16 سے زائد افراد لقمہ اجل بن گئے ہیں۔
بین الاقوامی خبر رساں ادارے کی رپورٹ کے مطابق گجرات میں غیر معمولی بارشوں کے باعث دریاؤں کی سطح میں بھی خطرناک اضافہ ریکارڈ کیا گیا ہے، جس کے باعث ریڈ الرٹ جاری کردیا گیا ہے جبکہ فوج کو بھی طلب کرلیا گیا ہے۔
اس کے علاووہ ریاستی علاقے بڑودہ، جام نگر اور موربی کے رہائشی علاقوں میں ہر طرف پانی بھر چکا ہے، متاثرہ علاقوں میں گھر اور گاڑیاں کئی فٹ پانی میں ڈوب چکے ہیں۔
بھارتی میڈیا کا کہنا ہے کہ مختلف واقعات میں 2 روز کے دوران 16 افراد زندگی کی بازی ہار چکے ہیں، جبکہ 30 ہزار سے زائد افراد کو محفوظ مقام پر منتقل کردیا گیا ہے۔ تعلیمی ادارے بند اور ٹرین سروس بھی متاثر ہیں۔
پاسپورٹ خدمات 5 روز کے لئے بند
موسمیاتی تجزیہ کاروں کا کہنا ہے کہ جس سسٹم کے تحت کراچی سمیت سندھ کے دیگر شہروں میں بارشیں ہو رہی ہے وہ بھارت سے ہی پہنچ رہا ہے۔
