تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

گجرپورہ اجتماعی زیادتی کیس کا مرکزی ملزم ریمانڈ پر جیل روانہ

لاہور: گجرپورہ اجتماعی زیادتی کیس کے مرکزی ملزم عابد ملہی کو جوڈیشل ریمانڈ پر14روز کیلئے جیل جبکہ کیس کے دوسرے ملزم شفقت کو جسمانی ریمانڈ پر پولیس کے حوالے کردیا۔

تفصیلات کے مطابق انسداد دہشت گردی کی خصوصی عدالت میں گجر پورہ زیادتی کیس کی سماعت ہوئی، اس موقع پر پولیس نے مذکورہ کیس کی ابتدائی رپورٹ عدالت میں پیش کی۔

ایس پی سی آئی اے عاصم افتخار نے عدالت میں ابتدائی رپورٹ پیش کی، انسداد دہشت گردی کی خصوصی عدالت میں سماعت کے بعد عدالت نے مرکزی ملزم عابد ملہی کو جوڈیشل ریمانڈ پر14روز کیلئےجیل بھیج دیا۔

دوسری جانب انسداد دہشت گردی کی عدالت نے اجتماعی زیادتی کیس کے ملزم شفقت کو28 اکتوبر تک جسمانی ریمانڈ پر پولیس کے حوالے کردیا، ملزم کو شناختی پریڈ کا ریمانڈ ختم ہونے پر عدالت میں پیش کیا گیا تھا۔

واضح رہے کہ موٹر وے لنک روڈ زیادتی کیس کا مرکزی ملزم عابد ملہی پولیس کے لیے درد سر بنا ہوا تھا، پولیس کی ٹیمیں ملزم کی گرفتاری کے لیے متحرک تھیں متعدد مرتبہ چھاپے بھی مارے گئے تھے لیکن پولیس کو ناکامی کا سامنا کرنا پڑا تھا۔

پولیس کا کہنا ہے کہ گزشتہ روز جب فیصل آباد تاندلیاوالہ میں ملزم عابد ملہی کی گرفتاری کے لیے چھاپہ مارا گیا تو ملزم وہاں سے فرار ہوگیا۔

عابد ملہی کو پولیس نے کیسے گرفتار کیا؟

بعد ازاں پولیس کو اطلاع موصول ہوئی کہ ملزم عابد ملہی اپنے قریبی عزیز کے گھر مانگا منڈی آیا ہوا ہے، پولیس نے مانگا منڈی علی ٹائون میں چھاپہ مار کر ملزم عابد ملہی کو گرفتار کرلیا۔

Comments

- Advertisement -