لاہور : وزیراعظم کے معاون خصوصی ڈاکٹر شہباز گل نے زیادتی کا شکار خاتون اور ملزم کا ڈی این اے میچ کرنے کی تصدیق کردی اور کہا کام بولتا ہے الفاظ نہیں ،ویلڈن بزدار۔
تفصیلات کے مطابق لاہور کے علاقے گجرپورہ لنک روڈ پر خاتون سے اجتماعی زیادتی کی تحقیقات میں بڑی پیش رفت سامنے آئی ، ذرائع کے مطابق جائے وقوع سے حاصل سیمپل اور ملزم کا ڈی این اے میچ کرگیا ہے۔
بعد ازاں وزیراعظم کے معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر اپنے بیان میں کہا کہ خاتون زیادتی کیس میں ڈی این اے میچ ہوگیا،جلد گرفتاری بھی ہوگی، مبارک ہووزیراعلیٰ پنجاب،آئی جی ،سی سی پی اولاہور،پوری ٹیم کو۔
شہبازگل کا کہنا تھا کہ رات4بجےتک وزیراعلیٰ پنجاب آئی جی،سی سی پی اوکیساتھ میٹنگ میں تھے، وزیراعلیٰ پنجاب نے پورے کیس کی خود مانیٹرنگ کی، کام بولتا ہے الفاظ نہیں،ویلڈن بزدار۔
مبارک ہو وزیراعلی عثمان بزدار کو آئی جی پنجاب کو CCPO لاہور اور پوری ٹیم کو۔
DNA matched. انشاللہ جلد گرفتاری بھی ہوگی۔عوام کو پتہ ہو کہ رات 4 بجے تک عثمان بزدار میٹنگ میں تھے IG اور CCPO کے ساتھ۔وزیراعلی نے پورے کیس کی خود مانیٹرنگ کی ہے
کام بولتا ہے الفاظ نہیں۔ ویلڈن بزدار https://t.co/1yBCw1C87N
— Dr. Shahbaz GiLL (@SHABAZGIL) September 12, 2020
یاد رہے پنجاب پولیس نے گزشتہ رات ملزم کو گرفتار کیا تھا ، ملزم کا نام عابد علی ولد اکبر علی ہے، ملزم فورٹ عباس کا رہائشی ہے، جس ملزم کا ڈی این اے میچ ہواس کی عمر 27سال ہے۔
ذرائع کے مطابق ملزم نے ساتھیوں کیساتھ ملکر 2013میں گھرمیں گھس کرماں بیٹی سے زیادتی کی تھی۔
خیال رہے گجرپورہ زیادتی کیس میں وزیراعلیٰ پنجاب عثمان بزدار کی زیرصدارت تحقیقاتی کمیٹی کا اجلاس ہوا تھا ، جس میں وزیرقانون نے وزیراعلیٰ کو کیس سے متعلق تحقیقات سے آگاہ کرتے ہوئے کہا کیس میں بہت مثبت پیشرفت ہو چکی ہے، ڈی این اےمیچنگ سمیت اہم شواہدمل چکےہیں، متاثرہ خاتون سےسینئرخواتین پولیس افسررابطےمیں ہے، چندگھنٹےمیں کیس کےحوالےسےبڑابریک تھرو سامنے آجائے گا۔
