The news is by your side.

Advertisement

لنک روڈ زیادتی کیس : مرکزی ملزم عابد کی گرفتاری کے لیے پمفلٹ تیار ،25 لاکھ کا انعام

لاہور : لنک روڈ زیادتی کیس میں پنجاب پولیس نے عابد علی کی گرفتاری کے لیے پمفلٹ تیار کرلیا ، گرفتاری میں مدد دینے والوں کےلیے پمفلٹ میں 25 لاکھ کا انعام بھی درج ہیں۔

تفصیلات کے مطابق لنک روڈ زیادتی کیس کا مرکزی ملزم عابد تاحال پنجاب پولیس کی گرفت میں نہ آسکا، عابد علی کی گرفتاری کے لیے پولیس نے پمفلٹ تیار کرلیا ہے، پمفلٹ میں گرفتاری میں مدد دینے والوں کےلیے 25 لاکھ کا انعام بھی درج ہیں۔

پولیس نے عابد علی کے 2 متوقع حلیہ جات کی تصاویر پمفلٹ پر لگا دیں اور گرفتاری کی اطلاع کے لیے 2 موبائل نمبرز بھی جاری کئے ہیں، ایس پی سی آئی اے لاہورعاصم افتخار اور ڈی ایس پی حسنین حیدر کے نمبردرج ہے۔

دوسری جانب ملزم کی گرفتاری سے آگاہی کی ویڈیو جاری کی گئی ہے، مراسلے میں کہا گیا ہے کہ ملزم درباروں،مزاروں ،مساجد ،امام بارگاہوں میں روپوش ہوسکتاہے، ملزم کوعرس،سرکس سمیت دیگر عوامی مقامات پرتلاش کیاجائے۔

مراسلے کے مطابق ڈسٹرکٹ سکیورٹی برانچز ملزم کی گرفتاری کے لیےخصوصی نظر رکھے اور ملزم کےحوالےسےویڈیوکلپ کیبلز پر بھی نشر کی جائے۔

آئی جی پنجاب انعام غنی نے کہا ہے کہ ملزم کوگرفتارکرانیوالے کی شناخت راز میں رکھی جائےگی، گرفتاری میں مددکرنیوالوں کو انعامی رقم دی جائے گی۔

خیال رہےگرفتار شفقت علی اور دیگر ملزمان عابد کی بیوی،سالی دوقریبی عزیز،عابد کاساتھی بالامستری ،وقارالحسن سے تفتیش جاری ہے جبکہ شفقت اعتراف جرم بھی کرچکا ہے۔

Comments

یہ بھی پڑھیں