لاہور : گجرپورہ زیادتی کیس کے مرکزی ملزم عابد کیخلاف پنجاب کےمختلف تھانوں میں زیادتی اور ڈکیتی کے 16 مقدمات درج ہیں تاہم مرکزی ملزم اب تک پولیس کی گرفت میں نہ آسکا۔
تفصیلات کے مطابق گجرپورہ زیادتی کیس کے مرکزی ملزم عابد کیخلاف درج مقدمات کا مکمل ریکارڈ سامنے آگیا ، عابد کیخلاف پنجاب کےمختلف تھانوں میں زیادتی اور ڈکیتی کے 16 مقدمات درج ہیں۔
ملزم عابدکیخلاف ضلع بہاولنگرمیں10مقدمات درج ہیں جبکہ تھانہ کھجی والا،فقیروالی ،فیکٹری ایریا اور گجرپورہ لاہورمیں ڈکیتی کاایک مقدمہ بھی درج ہے۔
عابدکیخلاف تھانہ فورٹ عباس،کھچی والا،گجرپورہ میں زیادتی کے 3مقدمات درج ہے ، ملزم نے2013میں فورٹ عباس میں ڈکیتی کےدوران خاتون سےزیادتی کی جبکہ تھانہ کھچی والامیں2017میں ساتھیوں کیساتھ خاتون سے زیادتی کامقدمہ اور لاہورکےتھانہ باغبانپورہ میں ڈکیتی کامقدمہ درج ہے۔
مزید پڑھیں : گجرپورہ زیادتی کیس کا مرکزی ملزم پولیس کو چکمہ دے کر فرار
عابدکیخلاف آخری مقدمہ تھانہ گجرپورہ میں موٹروےزیادتی کا درج ہوا تاہم موٹروے زیادتی کیس کامرکزی ملزم عابدتاحال پولیس کی گرفت میں نہ آسکا جبکہ عابد کی بیوی، بیٹی اور کزنز کے بعد سالی کو بھی گرفتار کرلیا گیا ہے۔
کشور بی بی نے انکشاف کیا کہ عابد نے پارک میں بلوایا تھا مگر پولیس کے آنے کی اطلاع پر عابد فرار ہوگیا جبکہ ننکانہ میں پولیس ایلیٹ فورس اورمختلف تھانوں کی نفری نےسرچ آپریشن کیامگرکامیابی نہ ملی۔
