گوجرانوالہ:انسداد دہشتگردی کی خصوصی عدالت نمبر ا کے جج چوہدری امتیاز احمد نے ایم کیو ایم کے قائد الطاف حسین کے ملک اور حساس اداروں کے خلاف نازیبا تقریر کرنے کے دو مقدمات میں دائمی وارنٹ جاری کردیئے ۔
عدالت نے پولیس کو حکم دیا ہے کہ الطاف حسین کو گرفتار کرکے عدالت میں پیش کیا جائے۔
استغاثہ کے مطابق تھانہ سٹی منڈی بہاؤالدین ،منڈی بہاؤالدین میں پندرہ جولائی دو ہزار پندرہ کو مدعیان ظہیرعباس اور ظہیر خان کی مدعیت میں ملک اور حساس اداروں کے خلاف نازیبا تقریر کرنے کے خلاف ایم کیو ایم کے قائد الطاف حسین کے خلاف مقدمہ درج کیا گیا تھا۔
