گوجرانوالہ: پولیس نے برقع پہن کر کالج میں داخل ہونے اور لڑکیوں کو تنگ کرنے پر نوجوان کو گرفتار کرلیا، نوجوان ایک گھنٹے تک طالبات کو تنگ کرتا رہا، برقع اٹھانے پر راز کھل گیا۔
تفصیلات کے مطابق برقع پہن کر لڑکیوں کو چھیڑنے والا نوجوان پولیس کے ہتھے چڑھ گیا، گوجرانوالہ کے گورنمنٹ پوسٹ گریجویٹ کالج میں زوارحیدر نامی نوجوان برقع پہن کر لڑکیوں کی کلاس میں گھس گیا۔
نوجوان ایک گھنٹے تک طالبات کو تنگ کرتا رہا، شور مچانے پر پرنسپل نے فوراً ایکشن لیا، طالبات کی طرف سے نشاندہی پر کالج پرنسپل نے برقع اٹھایا تو اندر سے لڑکا نکلا۔
پرنسپل کالج پروفیسر پرویز اختر نے نوجوان کو پولیس کے حوالے کر دیا ہے، پولیس نے ملزم زوار حیدر کو حراست میں لے کر تھانہ باغبان پورہ منتقل کر دیا۔
یہ بھی پڑھیں: برقع پہن کر بیوی سے ملاقات کو جانے والا شخص گرفتار
پولیس کے مطابق نوجوان کانام زوار حیدر ہے اور وہ اسی کالج میں ایم ایس سی زولوجی کا طالب علم ہے، ملزم سے مزید تفتیش جاری ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
