گوجرانوالہ: ن لیگ کے کارکنان کی فائرنگ، پی ٹی آئی کا کارکن جاں بحق، 5 افراد زخمی -
The news is by your side.

Advertisement

گوجرانوالہ: ن لیگ کے کارکنان کی فائرنگ، پی ٹی آئی کا کارکن جاں بحق، 5 افراد زخمی

گوجرانوالہ : فیصل ٹاؤن میں ن لیگ اور پی ٹی آئی کارکنوں میں تصادم کے نتیجے میں ایک شخص جاں بحق اور پانچ افراد زخمی ہوگئے، جاں بحق ہونے والاشخص پی ٹی آئی کا یوسی کونسلر تھا۔

تفصیلات کے مطابق گوجرانوالہ کے علاقے فیصل ٹاؤن میں ن لیگ اور پی ٹی آئی کے کارکنوں میں ہونے والے تصادم میں ایک پی ٹی آئی کارکن جاں بحق اور5 زخمی ہوگئے۔

اس حوالے سے پولیس کا کہنا ہے کہ جاں بحق ہونے والا شخص کھیالی کا یوسی کونسلر افضل مہر ہے اس کا تعلق پی ٹی آئی سے تھا۔ جنرل کونسلر افضل مہر پر ان کے گھر کے باہر ن لیگ کے کارکنان کی جانب سے فائرنگ کی گئی، جائے وقوعہ سے شواہد حاصل کرلیے گئے ہیں۔

فائرنگ کے وقت علاقہ گولیوں کی ترتڑاہٹ سے گونج اٹھا، گولیاں لگنے سے زخمی ہونے والے پانچ افراد کو طبی امداد کیلئے ڈی ایچ کیو اسپتال منتقل کیا گیا، جہاں دو افراد کی حالت انتہائی تشویشناک بتائی جارہی ہے۔

پولیس کے مطابق فائرنگ کے الزام میں پولیس نے تین افراد کو گرفتار کرلیا ہے دیگر ملزمان کی گرفتاری کے لیے چھاپے مارے جارہے ہیں، اس سے قبل دونوں سیاسی گروپوں میں الیکشن کے دنوں میں بھی جھگڑا ہوا تھا۔

Comments

comments

یہ بھی پڑھیں