The news is by your side.

Advertisement

گوجرنوالہ میں تین سالہ بچی کا قتل، ورثا کا جی ٹی روڈ پر احتجاجی مظاہرہ

گوجرانوالہ : تین سالہ بچی کو اغوا کے بعد تشدد کر کے قتل کردیاگیا، ورثا کا جی ٹی روڈ پر لاش رکھ کر احتجاجی مظاہرہ،مظاہرین کا مطالبہ کیا ہے کہ ملزمان کو فوری گرفتار کیا جائے.

تفصیلات کے مطابق تھانہ دھلے کے علاقے مجاہد ٹاؤن کے محنت کش کی تین سالہ بیٹی زونیرا صبح گھر کے سامنے کھیلتےہوئے اچانک لاپتہ ہوگئی، والدین کو تشویش لاحق ہوئی توبچی کی تلاش شروع کردی، بچی کی تشددشدہ نعش قریبی قبرستان سے ملی تو علاقے میں کہرام مچ گیا.

ریسکیو کو اطلاع ملنے کے بعد بچی کی نعش کو پوسٹ مارٹم کے لئے ڈسٹرکٹ ہیڈکوارٹراسپتال منتقل کردیا گیا،پوسٹ مارٹم کے بعد تشددشدہ لاش ورثا کے حوالے کردی گئی.

پولیس نے نامعلوم ملزمان کےخلاف مقدمہ درج کرکے تفتیش شروع کردی ہے تاحال ملزمان گرفتار نہیں ہوسکے.

Comments

comments

یہ بھی پڑھیں