گوجرانوالہ : صوبہ پنجاب کے شہرگوجرانوالہ کے علاقے گوندلانوالہ میں گھر کی چھت گرنے سے والد اور4 بچے جاں بحق ہو گئے۔
تفصیلات کےمطابق گوجرانوالہ کے نواحی علاقےگوندلانوالہ میں رات گئےگھر کی چھت گر گئی جس کے نتیجے میں گھر کا سربراہ اور اس کے 4بچے ملبے تلے دب کرجان کی بازی ہارگئے۔تاہم زخمی خاتون کوریسکیو اہلکاروں نےبحفاظت نکال کراسپتال منتقل کردیا ہے۔
حادثے میں جاں بحق ہونے والے افراد کی لاشوں کو ملبے کی نیچےسے نکال کر سول اسپتال منتقل کردیاگیاہے۔جاں بحق ہونے والے بچوں کی شناخت احمد،سحر،فہداور اجمیر کے ناموں سے ہوئی ہے جن کی عمریں تین سے گیارہ سال کے درمیان ہیں۔
مزید پڑھیں:لاہور:مناواں میں مکان کی چھت گرنےسے2بچیاں جاں بحق،3افرادزخمی
یاد رہےکہ گزشتہ سال لاہور کے علاقے مناواں میں مکان کی چھت گرنے سے دو بچیاں جاں بحق اور ماں اور دو بیٹیاں زخمی ہوگئی تھیں۔
مزید پڑھیں:خیبرایجنسی میں مکان کی چھت گرنے سے5افراد جاں بحق
واضح رہےکہ گزشتہ سال اکتوبر میں خیبر ایجنسی کی تحصیل لنڈی کوتل کے علاقے نیکی خیل میں بوسیدہ مکان کی چھت گرنے سے ایک ہی خاندان کے 5 افراد جان کی بازی ہار گئےتھے۔
