The news is by your side.

چوتھی جماعت کا طالب علم قتل، سگی بہن سے زیادتی کا ملزم گرفتار

گوجرانوالہ / راولپنڈی: گوجرانوالہ میں چوتھی جماعت کے طالب علم کو اغواء اور زیادتی کے بعد قتل کردیا گیا، راولپنڈی میں نوجوان لڑکی سے زیادتی کے الزام میں سگے بھائی سمیت دو ملزمان پکڑے گئے جبکہ عمرکوٹ میں گونگی بہری لڑکی سے زیادتی کا ملزم پولیس نے گرفتار کرلیا۔

تفصیلات کے مطابق ملک کے مختلف شہروں میں ظلم و زیادتی کے واقعات کا سلسلہ تھمنے کا نام نہیں لے رہا، گوجرانوالہ کے علاقے نوشہرہ ورکاں میں زیادتی کے بعد چوتھی جماعت کا طالب علم قتل کردیا گیا۔

مغوی کی لاش دو دن بعد سیم نالے سے ملی، پولیس نے بروقت کارروائی کر کے اشتیاق نامی ملزم کو گرفتار کرکے مقدمہ درج کرلیا، ملزم نے جرم کا اعتراف بھی کرلیا ہے، مقتول بچے کی نمازجنازہ میں شہریوں کی بڑی تعداد شریک ہوئی۔

دوسری جانب راولپنڈی کے علاقے وارث خان میں چودہ سالہ لڑکی سے زیادتی کے الزام میں پولیس نے اس کے سگے بھائی سمیت دو ملزمان گرفتار کر لیے۔

متاثرہ لڑکی کے والد نے پولیس کو بتایا ہے کہ ملزمان دو ماہ سے لڑکی کو زیادتی کا نشانہ بنا رہے تھے۔ پولیس کے مطابق میڈیکل رپورٹ میں بچی سے زیادتی کی تصدیق ہوگئی ہے۔ نمونے ڈی این اے ٹیسٹ کے لیے بھجوا دئیے گئے۔

علاوہ ازیں عمرکوٹ کے علاقے نبی سر میں پندرہ برس کی گونگی بہری لڑکی سے مبینہ زیادتی کے الزام میں والدین کی شکایت پر پولیس نے لکھمن نامی ملزم کو گرفتار کرلیا ہے۔

اس کے علاوہ ٹنڈوالہ یار پریس کلب کے باہرخواتین نے احتجاجی مظاہرہ کیا۔ مظاہرین نے زیادتی اور کاروکاری کے بڑھتے ہوئے واقعات روکنے کے لیے ٹھوس اقدامات کرنے کا مطالبہ کیا ہے، اس موقع پر انتظامیہ کے خلاف نعرے بازی بھی کی گئی۔

Print Friendly, PDF & Email

Comments

comments

یہ بھی پڑھیں