ٹیکساس: امریکی ریاست ٹیکساس کے شمالی علاقے پلانوں میں واقع مکان میں فائرنگ کے نتیجے میں 8 افراد ہلاک جبکہ 2 زخمی ہوگئے۔
تفصیلات کے مطابق امریکی ریاست ٹیکساس کے شمالی علاقے پلانوں میں واقع مکان میں فائرنگ کے واقعے میں حملہ آور سمیت 8 افراد ہلاک ہوگئے۔
پولیس حکام کا کہنا ہے کہ فائرنگ کی اطلاع ملتے ہی پولیس جائے وقوعہ پر پہنچی اور متاثرہ مکان میں جب پولیس آفیسرداخل ہوا تو اس نے حملہ آور کو ہٹھیار ڈالنے کو کہا۔
پولیس آفیسر اور حملہ آور کے درمیان فائرنگ کے تبادلے میں حملہ آور مارا گیا جبکہ دو افراد زخمی ہوگئے۔
امریکی شہراورلینڈو کےنائٹ کلب میں فائرنگ، 49 افراد ہلاک، 53 زخمی
پولیس حکام کا کہنا ہے کہ فائرنگ کے واقعے میں ہلاک ہونے والے افراد اور حملہ آور کی شناخت نہیں ہوسکی جبکہ لاشوں کو اسپتال منتقل کردیا گیا ہے۔
امریکہ: نائٹ کلب میں فائرنگ‘ 28 افراد زخمی
یاد رہے کہ رواں برس 2 جولائی کو امریکی ریاست آرکنساس کے نائٹ کلب میں فائرنگ کے نتیجے میں 28 افراد زخمی ہوگئے تھے۔
واضح رہے کہ یاد رہےکہ گزشتہ سال 12 جون کو امریکی ریاست فلوریڈا کے شہر اورلینڈو کے نائٹ کلب میں فائرنگ سے 49 افراد ہلاک اور 53 سے زخمی ہوگئےتھے۔
