بیت المقدس: جینین میں فلسطینیوں پر اسرائیلی فورسز کے بدترین آپریشن کے بعد مقبوضہ مشرقی یروشلم میں 7 یہودیوں کو گولی مار کر ہلاک کر دیا گیا۔
اسرائیلی میڈیا رپورٹس کے مطابق جمعہ کو مقبوضہ مشرقی بیت المقدس میں ایک مبینہ مسلح فلسطینی کے حملے میں کم از کم 7 افراد ہلاک ہو گئے ہیں، فائرنگ کا یہ واقعہ مقبوضہ مغربی کنارے کے جینین پناہ گزین کیمپ میں ایک مہلک اسرائیلی حملے کے بعد رونما ہوا ہے جس میں 10 فلسطینی شہید ہو گئے تھے۔
7 killed, 10 injured in synagogue terror attack in #Jerusalem 🇮🇱
Paramedics have arrived onto the scene and began providing treatment to those injured. pic.twitter.com/CAH9Paiv1B
— Israel Foreign Ministry (@IsraelMFA) January 27, 2023
واقعہ اسرائیلی آبادکاروں کی ایک بستی میں یہودی عبادت گاہ کے پاس پیش آیا، حملہ آور کو بھی گولی ماری گئی، فائرنگ سے 10 افراد زخمی بھی ہوئے ہیں، جن میں سے کچھ کی حالت نازک ہے۔
روئٹرز کے مطابق فائرنگ کے وقت ہولوکاسٹ کے متاثرین کی یاد میں منائے جانے والے دن کے موقع پر عبادت گاہ میں دعائیہ تقریب کا اہتمام کیا گیا تھا۔
اسرائیلی پولیس کے مطابق مسلح شخص جمعے کی رات 8 بج کر 15 منٹ پر موقع پر پہنچا اور فائر کھول دیا جس کے نتیجے میں کئی افراد ہلاک اور زخمی ہوئے، اسرائیلی سیکیورٹی فورسز نے مسلح شخص کو موقع پر ہی گولی مار دی۔
Palestinian youth Alkam Khairi carried out a shooting operation against Israeli settlers in occupied Jerusalem, killing at least 8 people & injuring others, according to Israeli media.
This comes a day after Israeli troops had killed 9 Palestinians in a military raid into Jenin pic.twitter.com/ojttg8TI38
— PALESTINE ONLINE 🇵🇸 (@OnlinePalEng) January 27, 2023
حملے کی ذمہ داری فی الحال کسی نے بھی قبول نہیں کی، تاہم اسلامی تحریک حماس کے ترجمان حازم قاسم کا کہنا ہے کہ واقعہ جینین کیمپ پر حملے کا جواب ہے، اسرائیلی پولیس نے واقعے کو دہشت گردی قرار دے دیا ہے۔ دوسری جانب غزہ میں یہودیوں کی عبادت گاہ پر فائرنگ کی خبر ملتے ہی ریلیاں نکالی گئیں اور خوشی میں ہوائی فائرنگ کی گئی۔
اسرائیلی میڈیا کے مطابق مسلح شخص مشرقی یروشلم کا رہنے والا فلسطینی تھا، سوشل میڈیا پر حملہ آور کی تصویر اور شناخت بھی سامنے آ گئی ہے، جس کے مطابق حملہ آور الطور کا رہائشی 21 سالہ خیری علقم تھا، پولیس کے مطابق علقم کا کوئی ’مجرمانہ ریکارڈ‘ نہیں تھا، اس کے والد کو بھی پوچھ گچھ کے لیے طلب کیا گیا۔
امریکی صدر جو بائیڈن نے اسرائیلی وزیراعظم نتن یاہو سے ٹیلی فونک رابطہ کیا اور واقعے کی شدید مذمت کرتے ہوئے اس کو ’دہشت گردی کا خوفناک حملہ‘ قرار دیا۔
یاد رہے کہ گزشتہ روز مغربی کنارے میں واقع فلسطینیوں کے پناہ گزین جینین کیمپ میں اسرائیلی فوج کی جانب سے کارروائی میں 10 فلسطینی شہید اور 20 زخمی ہوئے تھے۔
