The news is by your side.

گوردوارہ دربار صاحب واقعہ : پاکستان نے بھارتی واویلا مسترد کردیا

اسلام آباد : پاکستان نے بھارت کی جانب سے گوردوارہ دربار صاحب واقعےپر واویلے کو مستردکردیا اور کہا بھارت کی گوردوارےپرپیش آئے واقعے پر منفی مہم انتہائی مضحکہ خیزہے۔

تفصیلات کے مطابق گوردوارہ دربار صاحب واقعے پر بھارت جانب سے واویلا کیا گیا ، جس کے بعد ترجمان دفترخارجہ نے بتایا کہ بھارتی ہائی کمیشن کے سینئرسفارتکار کو دفترخارجہ طلب کیا گیا۔

پاکستان نے بھارت کی جانب سے کئے گئے واویلےکو مستردکردیا اور بھارتی سفارتکار کو بھارتی پروپیگنڈے پر تحفظات سے آگاہ کیا۔

ترجمان نے کہا پاکستان اقلیتی برادری کےحقوق،مذہبی مقامات کےتقدس کاخیال رکھتا ہے ، بھارت کی گوردوارے پرپیش آئے واقعے پر منفی مہم انتہائی مضحکہ خیز ہے۔

دفترخارجہ کے ترجمان کا کہنا تھا کہ اقلیتوں کے غیرمحفوظ اور بدنام ترین بھارت کواقلیتوں کےحقوق کی بات کرنازیب نہیں دیتا۔

خیال رہے کہ وزیراعلیٰ پنجاب عثمان بزدار نے سکھوں کے مذہبی مقام کرتارپور گوردوارہ کے احاطے میں ماڈلنگ کے واقعے کا نوٹس لیا تھا جبکہ وفاقی وزیراطلاعات فواد چوہدری نے بھی اس واقعے پر تنقید کی تھی ۔

Comments

یہ بھی پڑھیں