The news is by your side.

Advertisement

بابا گرو نانک کی سالگرہ : پاکستان نے ہندوستانی سکھ یاتریوں کو ویزے جاری کیے

اسلام آباد : پاکستان نے بابا گرو نانک کے 552 واں یوم پیدائش کے موقع پر سکھ یاتریوں کو تقریباً3ہزار ویزے جاری کردیئے۔

تفصیلات کے مطابق نئی دہلی میں پاکستانی ہائی کمیشن نے سماجی رابطے کی ویب سائٹ ٹوئٹر پر اپنے پیغام میں کہا بابا گرو نانک کے 552 ویں جنم دن کی تقریبات میں شرکت کے لئے سکھ یاتریوں کو تقریباً 3ہزار ویزے جاری کردیئے ہیں۔

پاکستانی ہائی کمیشن نے سکھ مذہب کے بانی کے 552 ویں یوم پیدائش کے موقع پر ہندوستان اور دنیا بھر میں سکھ برادری کو تہہ دل سے مبارکباد پیش کی اور آنے والے زائرین کی یاترا کیلئے پُرمسرت تمناؤں کا اظہار کیا ہے۔

سکھ یاتری17سے26نومبر تک یوم پیدائش تقریبات میں شرکت کریں گے اور اس دوران وہ ننکانہ صاحب میں گوردوارہ جنم استھان
سمیت مختلف گردواروں کی یاترا کریں گے۔

سکھ یاتریوں کوویزےمذہبی مقامات کےدوروں کےپروٹوکول کےتحت جاری کئے گئے ہیں ، پروٹوکول کےتحت تقریبات کیلئےسکھ یاتریوں کو 3ہزارویزے جاری کئے جاتے ہیں۔

دیگرممالک میں مقیم ہزاروں سکھ یاتری تقریب میں شرکت کیلئے پاکستان آئیں گے ، وزیراعظم عمران خان نے سکھ یاتریوں کی سہولت کیلئے متعدد اقدامات اٹھائے ہیں۔

Comments

یہ بھی پڑھیں