گوادر: حق دو تحریک کےسربراہ مولاناہدایت الرحمان نے ایک بار پھر دھرنا دے دیا۔
گوادر میں منشیات کےخلاف پولیس تھانے کے سامنے دھرنا دیا جا رہا ہے جس میں لوگوں کی بڑی تعداد موجود ہے۔
مظاہرین نے منشیات کی روک تھام کیلئے پولیس کو ایک ہفتےکی ڈیڈ لائن دی ہے۔ مظاہرین سے خطاب میں مولانا ہدایت الرحمان کا کہنا تھا کہ ایک ہفتے تک منشیات کے اڈے بند نہ کئےتو قانون ہاتھ میں لیں گے۔
The Give Gawadar it’s right movement led by @MHidayatRehman staged a protest in #Gawadar against drugs smuggling and burgeoning drugs addicted youth in #Gawadar and other parts of #Balochistan pic.twitter.com/OPBHxAP7iq
— Saadullah Akhter (@saadiakhter) December 28, 2021
ان کا کہنا تھا کہ ہمارے مطالبات میں صاف پانی کی فراہمی کے ساتھ ساتھ منشیات کی روک تھام کے لیے ٹھوس اقدامات شامل ہیں۔
واضح رہے کہ حق دو تحریک کے سربراہ مولانا ہدایت الرحمان کی قیادت میں گوادر دھرنا ایک ماہ سے زائد عرصے جاری رہا جس کا وزیراعظم نے نوٹس لیا اور حکومت سے کامیاب مذاکرات کے بعد دھرنا ختم کیا گیا تھا۔
وزیراعلیٰ بلوچستان عبدالقدوس بزنجو اور حق دو تحریک کے سربراہ مولانا ہدایت الرحمان کے مابین ہونے والے معاہدے پر دستخط کیے گئے۔
