کراچی: اپنی منفرد آواز سے دنیا بھر میں مقام حاصل کرنے والی ننھی پاکستانی گلوکارہ ہادیہ ہاشمی کا نیا گانا ریلیز ہوگیا جس میں انہوں نے حدیقہ کیانی جیسی سینئر گلوکارہ اور معروف قوال فرید ایاز کے ساتھ اپنی آواز کا جادو جگایا۔
نوجوان موسیقار اور گلوکار اذان سمیع خان نے اس کی موسیقی کو ترتیب دیا جس میں ہادیہ ہاشمی، حدیقہ کیانی، گلوکار علی طارق اور فرید ایاز اور ابو محمد نے بھی اپنی آواز کا جادو جگایا۔
اس گانے کو ’تو ہے میرا‘ کا نام دیا گیا ہے جس کے بول ایس کے خالش نے لکھے ہیں۔
View this post on Instagram
واضح رہے کہ اذان سمیع خان اس سے قبل پرے ہٹ لو سمیت دیگر بلاک باسٹر پاکستانی فلموں کی موسیقی ترتیب دے چکے ہیں۔
یاد رہے کہ گلوکارہ حدیقہ کیانی نے تیس دسمبر 2020 کو فوٹو اور ویڈیو شیئرنگ پلیٹ فارم انسٹاگرام پر 9 سالہ ننھی گلوکارہ ہادیہ ہاشمی کے ساتھ اپنی تصویر شیئر کی تھی۔
تصویر شیئر ہونے کے بعد مداح خوش ہوئے تھے کیونکہ انہیں اندازہ ہوگیا تھا کہ منفر آواز کی مالک دونوں گلوکارائیں ایک ساتھ کسی پروجیکٹ پر کام کررہی ہیں۔
