The news is by your side.

Advertisement

حدیقہ کیانی نے نجی زندگی کے رازوں سے پردہ اٹھا دیا

پاکستانی گلوکارہ اور اداکارہ حدیقہ کیانی نے ایک شو کے دوران اپنی نجی زندگی کے رازوں سے پردہ اٹھا دیا۔

معروف گلوکارہ حدیقہ کیانی نے حال ہی میں ایک ویب شو میں شرکت کی جس میں انہوں نے بیٹے کو گود لینے اور دوسری شادی کے حوالے سے گفتگو کی۔

گلوکارہ نے بتایا کہ جب میری پہلی طلاق ہوئی تو اس کے بعد کئی عرصے تک دوسری شادی نہیں کی تھی لیکن اس دوران ایک ایسا شخص تھا جو میری زندگی میں ایک فاصلے تک میرے ساتھ موجود تھا۔

حدیقہ کیانی نے کہا کہ اس وقت میرا دل چاہتا تھا کہ میں ماں بنوں تو میں نے یہ بات اس شخص سے شیئر کی کہ میں کسی بچے کو گود لینا چاہتی ہوں جس کے بعد انہوں نے مشورہ دیا کہ اگر یہ میری خواہش ہے کہ مجھے ایسا ضرور کرنا چاہیے۔

اداکارہ نے بتایا کہ میری دوسری شادی کی وجہ بھی میرا بیٹا ہی بنا کیونکہ میں چاہتی تھی کہ میرے بیٹے کو باپ کا نام ملے تاکہ بیٹے کو باپ کی سرپرستی نہ ہونے کے باعث پیش آنے والے مسائل کا سامنا نہ کرنا پڑے۔

انہوں نے کہا کہ بیٹے کو گود لینے کے دو ماہ بعد دوسری شادی کرلی لیکن مختلف مسائل کے باعث یہ تعلق بھی زیادہ عرصہ نہ چل سکا اور ہم نے علیحدگی اختیار کرلی۔

اس شو کے دوران گلوکارہ نے حکومت سے سنگل مدر بچے کے پاسپورٹ میں بطور سرپرست ماں کا نام شامل کیے جانے کا مطالبہ بھی کیا تھا۔

واضح رہے کہ حدیقہ کیانی کا ایک بیٹا نادِ علی ہے جو انہوں نے گود لیا ہوا ہے۔

Comments

یہ بھی پڑھیں