لاہور: قومی کرکٹر محمد حفیظ نے کہا ہے کہ اثاثے ظاہر نہ کرنے کی خبریں بے بنیاد اور جھوٹی ہیں۔
تفصیلات کے مطابق گزشتہ روز ذرائع نے کہا تھا کہ فیڈرل بورڈ آف ریونیو (ایف بی آر) نے قومی کرکٹر محمد حفیظ کو اثاثے چھپانے پر شوکاز نوٹس جاری کردیا ہے، تاہم کرکٹر نے خبر من گھڑت قرار دے دی۔
سماجی رابطے کی ویب سائٹ ٹوئٹر پر جاری اپنے ایک بیان میں محمد حفیظ کا کہنا ہے کہ اثاثے ظاہرنہ کرنے کی خبروں کا حقیقت سے کوئی تعلق نہیں ہے۔
انہوں نے کہا کہ پاکستان کے کسی ادارے کی جانب سے نوٹس موصول نہیں ہوا، میں ملک میں ٹیکس ادا کرتا ہوں۔ قومی کرکٹر کا کہنا تھا کہ جب سے کھیلنا شروع کیا ہر سال اپنے ٹیکس ریٹرنز جمع کراتا ہوں، مکمل طور پر حکومت پاکستان کا ٹیکس دہندہ ہوں۔
News in different media houses about my undeclared assets r baseless & false.I haven’t received any notice from any department of Pakistan.I do file my Tax returns every year since i started playing professionally & M total Taxpayer to Government of Pakistan
— Mohammad Hafeez (@MHafeez22) November 8, 2019
یاد رہے کہ گزشتہ روز ذرائع کا کہنا تھا کہ قومی ٹیم کے سابق کپتان محمد حفیظ نے 17 کروڑ روپے مالیت کے اثاثے ظاہر نہیں کیے ہیں۔
ایف بی آر نے محمد حفیظ کو شوکاز نوٹس جاری کردیا
ایف بی آر نے محمد حفیظ کی تمام بینکوں سے تفصیلات طلب کرلی ہیں، محمد حفیظ کا 2014 سے 2018 تک کا آڈٹ کیا جارہا ہے۔دوسری جانب کرکٹر محمد حفیظ نے کہا تھا کہ انہیں ایف بی آر کے نوٹس کا علم نہیں ہے، خبر بے بنیاد ہے۔
