اسلام آباد : مشیر خزانہ عبد الحفیظ شیخ نے کہا ہے کہ آئندہ بجٹ غریب دشمن نہیں ہوگا، غریبوں پر ٹیکسوں اور مہنگائی کا بوجھ نہیں پڑنے دیں گے۔
ان خیالات کا اظہار انہوں نے اسلام آباد میں میڈیا سے گفتگو کرتے ہوئے کیا، مشیر خزانہ کا کہنا تھا کہ آئندہ بجٹ غریب دشمن نہیں بلکہ معیشت دوست ہو گا.۔
ٹیکس آمدن بڑھانے کے لیے ہرممکن اقدام کریں گے، بجٹ میں روزگار کے مواقع پیدا کیے جائیں گے، غریبوں پر ٹیکسوں اور مہنگائی کا بوجھ نہیں پڑنے دیں گے۔
اس کے علاوہ آئندہ بجٹ میں کفایت شعاری سے خرچے بچائیں گے اور خسارہ کم کرنے کے لیے غیرضروری اخراجات کو کنٹرول کریں گے، معیشت غیرضروری اخراجات کی متحمل نہیں ہوسکتی۔
مزید پڑھیں: آئندہ بجٹ میں سگریٹ اور میٹھے مشروبات پر ہیلتھ ٹیکس لگانے کی منظوری
واضح رہے کہ حکومت نے آئندہ بجٹ میں سگریٹ اور میٹھےمشروبات پر ہیلتھ ٹیکس لگانے کی منظوری دے دی ہے، وزیر اعظم کے معاون خصوصی ظفرمرزا نے کہا ہےکہہیلتھ ٹیکس سے حاصل آمدن صحت کے شعبے پر خرچ کی جائے گی ، 20 سگریٹوں کی ڈبی پر10 روپے ٹیکس، 250ملی لیٹر کے مشروبات پر ایک روپے ٹیکس لگایا جارہا ہے۔
