The news is by your side.

Advertisement

ای سی سی کا اجلاس:گذشتہ 8 ماہ کے بجلی کے بلوں میں فیول چارجزایڈجسمنٹ پرفیصلہ متوقع

اسلام آباد : وزیرخزانہ عبدالحفیظ شیخ کی زیرصدارت اقتصادی رابطہ کمیٹی کااجلاس آج ہوگا ، جس میں گذشتہ 8 ماہ کے بجلی کے بلوں میں فیول چارجزایڈجسمنٹ پرفیصلہ متوقع ہے۔

تفصیلات کے مطابق وزیرخزانہ عبدالحفیظ شیخ نے اقتصادی رابطہ کمیٹی کااجلاس آج طلب کرلیا، اجلاس میں 10 نکاتی ایجنڈے پر غور کیا جائے گا۔

ذرائع کا کہنا ہے کہ نومبر2019 سے جون 2020 تک بجلی کے بلوں میں فیول چارجزایڈجسمنٹ پرفیصلہ متوقع ہے جبکہ فرٹیلائزرز پلانٹس کے لیٹ پیمنٹ سر چارج کا معاملہ زیر غور آئے گا۔

ذرائع کے مطابق قومی ورثہ،ثقافت ڈویژن کیلئے2کروڑ93لاکھ سےزائدکی منظوری سمیت نجی اور حکومتی شراکت داری اسکیم کا معاملہ بھی زیر غور آنے کا امکان ہے۔

اجلاس میں ہاؤسنگ فنانس پرشرح سودکی سبسڈی کے پیرامیٹرزکاجائزہ لیا جائے گا جبکہ تھرکول منصوبے کیلئے 15 ارب 25 کروڑ کی خود مختارگارنٹی کی منظوری کا امکان ہے۔

ذرائع کا کہنا ہے کہ ہاؤسنگ یونٹس کی لاگت پرسبسڈی کامعاملہ بھی ایجنڈےکاحصہ ہے۔

Comments

یہ بھی پڑھیں