امیر جماعت اسلامی کراچی حافظ نعیم الرحمان نے کہا کہ الیکشن کمیشن کا 15 جنوری کو ہی الیکشن کرانے کا فیصلہ کراچی، حیدرآباد کے عوام کی کامیابی ہے۔

اے آر وائی نیوز سے خصوصی گفتگو کرتے ہوئے حافظ نعیم الرحمان نے کہ الیکشن کمیشن کے فیصلے کا خیرمقدم کرتے ہیں، کراچی کیخلاف بہت سازشیں ہورہی ہیں کراچی کے عوام الیکشن کو سنجیدہ لیں۔

حافظ نعیم کا کہنا تھا کہ کراچی، حیدرآباد کے عوام اب الیکشن کو سنجیدہ لیں، الیکشن کمیشن کو اب کراچی، حیدرآباد میں الیکشن کروانے ہیں۔

کراچی، حیدرآباد میں بلدیاتی انتخابات 15 جنوری کو ہی ہوں گے، الیکشن کمیشن

امیر جماعت اسلامی نے کہا کہ آرڈیننس آئےگا تو عدالتوں میں اور سڑکوں پر بھی مقابلہ کرینگے، یہ لےآئیں آرڈیننس اسے بھی انشااللہ دیکھ لیں گے، آرڈیننس آیا تو عدالت کا راستہ موجود ہے۔

انہوں نے مزید کہا کہ اسلام  آبادمیں آرڈیننس لائے تھے جس عدالت نے ختم کیا، الیکشن کے شیڈول کے بعد آرڈیننس کی کوئی وجہ نہیں ہے، اب بھی  انھیں ایم کیوایم سے محبت ہوگئی تو گورنر راج لگا دیں۔