امیر جماعت اسلامی کراچی حافظ نعیم الرحمٰن قومی ٹیم کے سابق کپتان سرفراز احمد کے گھر مٹھائی لے کر پہنچے ہیں۔
حافظ نعیم الرحمان نے سرفراز احمد کو شاندار کم بیک پر مبارکباد دیتے ہوئے کہا کہ آپ نے ملک کا اور شہر کا نام روشن کیا ہے۔
حافظ نعیم الرحمان نے سرفراز کو کہا کہ آپ کی بہترین پرفارمینس کے لیے دعا گو ہوں، جب کوئی نہیں تھا تب بھی ہم آپکے ساتھ کھڑے تھے۔
- Advertisement -
واضح رہے کہ گزشتہ روز دوسری اننگز میں سرفراز احمد کی فائٹنگ سنچری کے باعث پاکستان ٹیم نے نیوزی لینڈ کے خلاف دوسرا ٹیسٹ ڈرا کیا تھا۔
سرفراز احمد کو ٹیسٹ سیریز میں شاندار کارکردگی پر پلیئر آف دی سیریز کے ایوارڈ سے نوازا گیا تھا۔
